Nemanya Yovanovich: "Agar barcha hujumlardan gol urganimda "Real"da o'ynayotgan bo'lar edim"

Ushbu bahs oldidan “Andijon” jamoasi  xujumchisi, serbiyalik legioner Nemanya Yovanovich o'z fikrlari bilan o'rtoqlashdi.

- Bo'lajak o'yin haqida fikringiz?
- “Bunyodkor ” juda kuchli jamoa. O'zbekistondagi eng kuchli jamoalardan biri desam ham adashmagan bo'lar edim. Bu jamoaning futbolchilari o'yinni xal etuvchi kuchga ega. Ammo bu futbol va unda kutilmagan xodisalar ham bo'lishi hech gap emas. Uchrashuvni o'z foydamizga xal etishga xarakat qilamiz.

- “Andijon ” jamoasining bir qancha o'yinlari omadsiz yakun topmoqda. Bunga qanday izoh bergan bo'lar edingiz?
- Yuqorida aytib o'tganimdek, bu futbol.  G'alabaga bo'lgan kuchli ishtiyoq, chiroyli o'yin, guyoki hammasi yaxshi ammo gollarni o'tkazib yubormoqdamiz. Vaziyatlardan unumli foydalana olmayapmiz. Bu hammasi omad etishmasligidan deb o'ylayman. Bo'lajak o'yinga yaxshi tayyorgarlik ko'rdik. Intensiv mashg'ulotlar va umidimiz so'nmagan. Uchrashuvni yuqori kayfiyat bilan tugatamiz degan umiddaman.

- Oxirgi uyinlardan keyin muxlislar “Andijon ” jamoasi asosan Yovanovich orqali o'yin tashkil etadi. Barcha futbolchi havo orqali to'pni Nemanyaga uzatadi ammo xujum gol bilan yakun topmayapti degan fikrlar bildirmoqda. Bunga munosobatingiz?
- Muxlislarning fikrini doimo hurmat qilaman. Muxlislar gol bo'lishini istasa, ishoning men buni ikki karra ko'proq xohlayman. Ammo maydondagi xarakat va bosim, omad ham katta rol o'ynaydi. O'zimga keladigan bo'lsak, men judayam gol urishni xohlayman. Agarda barcha hujumlar gol bilan yakun topganida men hozir O'zbekistonda emas "Real Madrid"da o'ynagan bo'lar edim.

Dildora Xolboeva suhbatlashdi