OLIY LIGA. "Andijon" safarda o'zini ko'rsata oladimi?

Toshkentning "Bunyodkor" klubi o'z maydonida "Andijon"ni qabul qiladi.

Oliy liga, 13-tur. 20 iyun
BUNYODKOR - ANDIJON

Boshlanish vaqti: 19:00
Bosh hakam: Naim Qosimov (Qarshi)

Turnir jadvalidagi o'rni: "Bunyodkor" 2-o'rinda (30 ochko), "Andijon" 14-o'rinda (9 ochko).
Ochkolar orasidagi farq - 21 ochko.

Tarif: CHempionlik uchun kurashayotgan va oliy ligada qolish uchun harakat qilayotgan jamoalar bahsi. Bu o'yinda shubhasiz maydon egalarining imkoniyati yuqori baholanmoqda. Avvalgi turda "Metallurg" bilan durang o'ynagan "Bunyodkor" bu safar o'z maydonida "Andijon"ni mag'lub etishga urinib ko'radi. "Andijon" safarda jiddiy qarshilik ko'rsata oladimi? Buni esa albatta vaqt va o'yin ko'rsatadi.

Fakt: "Bunyodkor" Toshkentdagi bahslarda hali mag'lub bo'lgani yo'q, "Andijon" esa safarda g'alaba qozona olmayapti. "Andijon" shu paytgacha safarda 6ta o'yin o'tkazib, shundan hammasida mag'lub bo'ldi. Jamoa uchta g'alabani faqat uydagi bellashuvlarda qo'lga kiritgan.

Bilasizmi? "Andijon" safar o'yinlarida hozircha beshta gol urgan. "Bunyodkor" esa o'z uyidagi uchrashuvlarda 14 marta to'p kiritishning uddasidan chiqib, atigi ikkita gol o'tkazib yuborgan.

Eslatma: Kecha bo'lib o'tgan "Bunyodkor" - "Andijon" (Yoshlar ligasi) bahsida "bunyodkorchilar" 2:1 hisobida zafar quchishdi.