Prevyu. "Mashal" - "Qo'qon-1912"

Mashal (Muborak) – Qo'qon-1912 (Qo'qon)
21 iyun 2016. Muborak. Bahrom Vafoev nomidagi stadion. 19:00
Hakamlar: H. Ro'ziev (Toshkent), O. Abduvosilov (Toshkent), S. SHoyusupov (Toshkent), E. Tursunov (Buxoro)
Nazoratchi: R. Aytekov (Toshkent).
O'zPFL vakili: V. Letkin.
 
“Mashal” va “Qo'qon-1912” oliy ligada 8 bora to'qnash kelishgan. Natijalar voha klubining ustunligini ko'rsatmoqda.

“Mashal” ushbu raqibni 5 marta mag'lub etgan. Bitta o'yinda durang qayd etilgan. “Qo'qon-1912” hisobida ikki g'alaba mavjud. “Gazchilar” o'zaro o'yinlarda 14ta gol urishgan, qo'qonliklar 7 marta jizzaxliklar darvozasini ishg'ol etishgan. Muborak klubi o'zaro o'yinlarda 16 ochkoga ega bo'lgan, Qo'qon klubi hisobida 7 ochko bor. “Mashal”ning o'zaro o'yinlarda eng yirik g'alabasi 3:0ga teng bo'lsa, “Qo'qon-1912”ning eng yirik muvaffaqiyati 3:1 bo'lib turibdi.

2015 yil Qo'qondagi o'yinda mehmonlar himoyachisi G'iyosjon Komilov hisobni ochgan. Nosir Otaqo'ziev hisobni tenglashtirgandi. Jahongir Jiyamurodovning avtogoli “Qo'qon-1912”ga irodali g'alaba taqdim etdi – 2:1. “Mashal” maydonida bo'lib o'tgan uchrashuvda Vladislav Ivanov hisobni ochgandi, Zohir Qo'ziboevning ikkita goli hisobni yiriklashtirgandi – 3:0.

Muborakda o'tgan barcha uchrashuvlar:
25.04.2015 Mashal - Qo'qon-1912 3:0
20.09.2003 Mashal - Qo'qon-1912 3:2
02.11.2002 Mashal - Qo'qon-1912 2:0
15.04.1995 Mashal - Qo'qon-1912 2:0

O'zaro o'yinlar haqida fakt: “Mashal” maydonida bo'lib o'tgan 4ta o'yinning barchasida mezbonlarning qo'li baland kelgan. Muborak klubi har bir o'yinda kamida ikkitadan to'p kiritgan.