Ro'ziqul Berdiev: “Neftchi” g'alabaga loyiq o'yin ko'rsatdi”
/ Kiritdi: BestMaster O'qilgan: 1059
Oliy liga 13-tur doirasidagi “Neftchi” hamda “Nasaf” jamoalari o'rtasidagi bahsdan so'ng mezbonlar ustozi Ro'ziqul Berdiev o'z fikrlari bilan o'rtoqlashdi.
- Farg'onaga tarkibdagi bir qator muammolar bilan kelgandik. Bugun “Neftchi” yaxshi o'ynadi. Balki Farg'ona jamoasi g'alabaga loyiq o'yin ko'rsatgandir. Mag'lub bo'layotib durang qilishga muvaffaq bo'ldi. Bu ham qaysidir manoda ruhiy tushkunlikdan olib chiqishga yana bir sabab bo'lishi mumkin. Bugun tarkibda jiddiy muammolar borligini aytib o'tdim. Mana shunday holatda “Neftchi”dek jamoa uyida o'ynash qiyin kechadi. O'yin so'nggidagi vaziyatni hisobga olsak, bugun bir ochko ishladik.
- Farg'onada kechgan so'nggi o'yinda “Nasaf” “Neftchi”ni mag'lub etgandi. O'sha o'yin bilan taqqoslaganda, “Nasaf” bugunga kelib kuchsizlandimi yoki “Neftchi”da o'sish bormi?
- “Neftchi” jamoasi yangi taktik sxemada o'ynayotganiga guvohi bo'ldim. Farg'onaliklar besh himoyachi bilan o'ynashdi yani 3 ta yaqqol markaziy himoyachi bilan harakat qilishdi. Umuman olganda mazkur taktika bugun raqibga qo'l keldi. O'tgan safargi bahsda omad biz tarafda bo'lgandi. SHuning uchun tezkor gollar urgandik. Biroq bugun mezbonlar yaxshi harakat qilishdi.
- “Nasaf”ning g'alabasiz seriyasi davom etadi. Bu bosh murabbiyga bosim yuklaydimi?
- Ha albatta! Natijaga murabbiy javobgar. Vaziyatni to'g'ri tushunib turibman. Qarshilik muxlislar esa bizdan g'alaba kutyapti. Balki ayb mendadir, - dedi Berdiev.
“Neftchi” matbuot xizmati
Bosh sahifaga
234