Davron Fayziev: "Istefo haqidagi fikrim o'zgargani yo'q"

"O'yin asabiy tarzda kechdi. Muxlislardan o'sha vaziyat uchun uzr so'rayman. Hakam sal etiborliroq bo'lganida bu vaziyat sodir bo'lmasdi. Men o'yindan oldin har bir qarich er uchun kurashish kerakligini aytgandim. "Buxoro"dan uchralgan o'tgan yilgi mag'lubiyat hamon yodimda. SHu bois bugun g'alaba uchun tushgandik. Imkoniyatlar teng bo'ldi. Hisob ham shunga yarasha bo'ldi. Meni hujum chizig'i o'ylantirmoqda. Biz hujum tashkil etishni 50 foizga ham amalga oshira olmadik. Birinchi davra o'yinlari tobora yakunlanib bormoqda. Oldimizda yana ikkita qiyin o'yin bor.

Istefo haqidagi fikrim o'zgargani yo'q. Rahbariyat hozircha hech qanday fikr bildirgani yo'q. Barchasini keyinroqqa qoldirmoqda. Jamoaga yangi qon kerak deb o'ylayapman. O'zim esa biroz dam olishni istayapman.

Nega qaydnomada 3 nafar murabbiy yozildi? Sababi bizda futbolchilar oldida qarzdorligimiz bor. PFL yordamchilarimning licenziyalarini 2-turdan keyin olib qo'ygandi. Hali ham bu masala o'z echimini topgani yo'q. ", - deydi Fayziev.

"So'g'diyona" matbuot xizmati