Jahongir Mehmonov: “Xatolar qimmatga tushdi”

- G'alaba qozonishimiz kerak bo'lgan o'yin edi. Afsuski, o'z xatolarimiz hisobiga uch ochkoni qo'ldan boy berdik. SHukur Po'latov xech qachon penaltilarda adashmasdi. Lekin jahon futbolida ham yulduzlarini penalti tepishda qo'pol xatolarga yo'l qo'yganiga ko'p guvohi bo'lganmiz. Penalti bu – lotoreya. Uni kimdir uradi, kimdir xato qilishi tabiiy hol. Jamoamiz o'yinga 100% tayyor edi. “Nasaf”ni jiddiy o'rgandik va bahsga qizg'in xozirlik ko'rdik. Kubok doirasida qarshiliklar bilan to'qnash kelishimiz raqibni o'rganishda bizga ancha qo'l keldi. Farg'ona bo'lib o'tgan o'yinda “Neftchi” “Nasaf”dan kuchli o'yin ko'rsatdi deb hisoblayman. To'g'ri “Nasaf” tarkibida jiddiy yo'qotishlar bor edi. Biroq shu kabi vaziyatda biz ham “Paxtakor”ni engdik. Professional jamoalar uchun mana  shunday muammolar qandaydir sabab bo'lmasligi kerak. Endi “Neftchi”ni “Qizilqum”ga qarshi yana bir muhim o'yin kutyapti. Albatta Navoiyga g'alaba uchun boramiz. CHunki bizga xozir ochkolar juda zarur, - dedi Mehmonov.

“Neftchi” matbuot xizmati