Evropa chempionati. Ronaldu rekord sohibi

Portugaliya terma jamoasi hujumchisi Krishtianu Ronaldu Vengriyaga qarshi o'yinda asosiy tarkibda maydonga tushdi va Evropa chempionatida eng ko'p o'yin o'tkazish bo'yicha Lilian Tyuram (Franciya) hamda Edvin var der Sarni (Gollandiya) ortda qoldirdi.

Vengriyaga qarshi o'yin Ronaldu uchun Evropa chempionatidagi 17-uchrashuv sifatida qayd etildi.

Agarda Ronaldu ushbu Evropa chempionatida gol kiritishni uddalasa, unda Krishtianu yana bir rekord sohibiga aylanadi.

Ronaldu bunga qadar Evro-2004, Evro-2008 hamda Evro-2012da gol kiritishga muvaffaq bo'lgan. Hozirga qadar hech bir futbolchiga to'rtta Evropa chempionatida gol urish nasib etmagan.