SHukurali Po'latov: “Navbatdagi o'yinlarda ishonchni oqlashga harakat qilaman”
/ Kiritdi: BestMaster O'qilgan: 1055
Oliy liga 13-tur doirasidagi “Neftchi” hamda “Nasaf” (2:2) jamoalari o'rtasidagi bahsdan so'ng mezbonlar himoyachisi SHukur Po'latov o'z fikrlari bilan o'rtoqlashar ekan, amalga oshirilmagan penalti uchun muxlislardan uzr so'radi.
- Juda ham qiziqarli o'yin bo'lib o'tdi. Doimgidek murabbiylarimiz jamoani o'yinga jiddiy tayyorlashdi. Bahsda “Nasaf”ni yirik hisobda mag'lub etishimiz yoki o'zimiz mag'lub bo'lishimiz extimoli ham mavjud edi. Yakunda esa durang bo'ldi. Amalga oshirilmagan penalti uchun muxlislardan uzr so'rayman. O'sha penalti muvaffaqiyatli amalga oshganda, bahs bizning foydamizga hal bo'lishi mumkin edi. Endi navbatdagi o'yinlarda g'alaba qozonib murabbiy va muxlislarning ishonchini oqlashga astoydil harakat qilaman, - dedi SHukur Po'latov.
Eslatib o'tamiz, “Neftchi” jamoasi keyingi turda Navoiyda o'ynaydi. Jamoamiz vakillari 14-tur doirasida “Qizilqum” jamoasi bilan o'zaro raqobat olib borishadi. Bellashuv 26 iyun kuni Navoiydagi “Yoshlar” sport majmuasi yashil maydonida bo'lib o'tadi.
“Neftchi” matbuot xizmati
236302418173983420 
Bosh sahifaga
867
22 Mart 2026, 10:10