O'zbekiston U-19 ikkinchi o'yinda Qatar yoshlariga mag'lub bo'ldi
/ Kiritdi: BestMaster O'qilgan: 1453
Ayni damda Qatar poytaxti Doxa shahrida yig'in o'tkazayotgan O'zbekiston U-19 terma jamoasi Qatar U-19 yoshlariga qarshi ikkinchi o'rtoqlik uchrashuvida 1:2 hisobida mag'lubiyatga uchradi.
Eslatib o'tamiz, Jasur Abduraimov bosh murabbiyligidagi terma jamoa Qatarga qarshi ilk o'rtoqlik o'yinida 2:0 hisobida g'alaba qozongan edi. Terma jamoalar o'rtasidagi ikkinchi o'yinda esa, Qatar yoshlari 2:1 hisobida g'alaba qozonishdi. O'zbekiston U-19 yoshlar terma jamoasi safidagi yagona golga 85-daqiqada Nurillo To'xtasinov mualliflik qilgan. Takidlash joiz, terma jamoa bosh murabbiyi mazkur o'yinda terma jamoa yig'iniga jalb etilgan barcha 23 futbolchini sinab ko'rdi.
O'zbekiston U-19 terma jamoasi shu tariqa Qatardagi yig'inini yakunladi va 20 sentyabr kuni Toshkentga qaytib keladi.
Eslatib o'tamiz, O'zbekiston U-19 terma jamoasi 2-8 oktyabr kunlari Bangladesh mezbonlik qiladigan U-19 yoshlar o'rtasidagi Osiyo CHempionati saralash turnirida ishtirok etadi. Jasur Abduraimov bosh murabbiyligidagi O'zbekiston yoshlar terma jamoasi mazkur turnirda ishtirok etish uchun 28 sentyabr kuni Bangladeshga jo'nab ketadi.
O'rtoqlik uchrashuvi.
19 sentyabr. Doxa, Qatar.
Qatar U-19 – O'zbekiston U-19 – 2:1
Gollar: Nurillo To'xtasinov (85)
O'zbekiston U-19: Umid Hamroev, Lazer Adamov, Husniddin G'ofurov, Islom Qobilov, Farrux Yo'ldoshev, Nurillo To'xtasinov, Aziz G'aniev, Suhrob Nurullaev, Doston Ibragimov, Bobur Abduholiqov, Jahongir Ahmadov.
Bosh sahifaga
204