Sardor Sulaymonov: "Yoshlar ligasi mahoratni toblash uchun imkoniyat"
/ Kiritdi: BestMaster O'qilgan: 1028
“Buxoro” - “Mashal” uchrashuvi oldidan mezbonlar jamoasi yarim himoyachisi Sardor Sulaymonovning yoshlar o'rtasidagi bahs va ertangi o'yin haqidagi fikrlari bilan qiziqdik.
- O'yin juda qiziqarli o'tdi. Garchi ushbu bahslar yoshlar ligasi doirasida bo'lsada, keskinlik bir zum bo'lsada susaygani yo'q. Negaki sportda musobaqalarni nufuziga qarab ajratish yaramaydi. Qanday nufuzdagi turnir bo'lsin maydonga tushdingmi, boringni berib o'ynashing kerak. Keyin ushbu liga biz yoshlarning o'zimizni ko'rsatishimiz uchun bir imkoniyat. Unda biz ham, raqib jamoa safidagi tengdoshlarimiz ham bor mahoratlarini ishga solish orqali murabbiylarga asosiy tarkibda o'ynash uchun munosibliklarini isbotlashga harakat qilishadi. Doimiy o'yin amaliyoti orqali mahoratni yanada toblashadi.
Bugun omadim kelib, ikkita gol urishga muvaffaq bo'ldim. SHu taxlit o'ynashda davom etsam ikkinchi davrada asosiy tarkibdan o'rin olaman degan umiddaman.
Ertangi asosi tarkibimiz uynaydi. Jamoamizda kuchli futbolchilar yig'ilgan. Xudo xohlasa, ertaga akalarim albatta g'alaba qozonishadi, - deydi uchrashuvda dublga erishgan Sardor Sulaymonov.
"Buxoro" matbuot xizmati
Bosh sahifaga
1943