EVRO-2016. SHveycariya - Polsha uchrashuviga prevyu

Dastlabki uchrashuv SHveycariya va Polsha terma jamoalari o'rtasida kechadi.

Ikkala jamoa ham o'z tarixida ilk bor Evropa chempionatida guruhdan chiqishga erishdi. SHveycariya "A" guruhida Franciyadan keyingi o'rinni egalladi. Polsha esa "C" kvartetida Germanidan keyingi bo'ldi. Polyaklar guruhda umuman gol o'tkazishmadi.

SHveycariya Polshaga qarshi o'tkazgan 10ta o'yinning faqat bittasida yutgan. O'sha o'yin 1976 yilda o'rtoqlik uchrashuvi doirasida o'tgan - 2:1. Polsha hisobida 4ta g'alaba bor. Qolgan 5 uchrashuvda durang qayd etilgan.

Ushbu juftlik g'olibi 30 iyun kuni chorak finalda Xorvatiya - Portugaliya juftligi g'olibiga qarshi o'ynaydi.

Bu ikki jamoa so'nggi bor 2014 yil Vroclavda to'qnash kelishgan edi. O'rtoqlik uchrashuvi 2:2 hisobida o'z yakuniga etgan edi. Yosip Drmich mehmonlarni hisobda oldinga olib chiqqandi, mezbonlar safida Artur Endjeychik va Arkadiush Milik to'p kiritishgan. Yakuniy natijani so'nggi daqiqalarda Fabian Fray o'rnatgandi.

O'yin Sent-Eten shahridagi "Joffrua Gishar" stadionida bo'lib o'tadi. Ushbu stadionda EVRO-2016 doiraisdagi Portugaliya - Islandiya, CHexiya - Xorvatiya va Slovakiya - Angliya uchrashuvlari bo'lib o'tdi. Qizig'i bu o'yinlarning barchasi durang bilan tugadi. SHveycariya - Polsha bahsi EVRO-2016 doirasidagi "Joffrua Gishar" stadionida o'tadigan eng so'nggi bahs bo'ladi.

O'yinni angliyalik Mark Klattenburg boshchiligidagi hakamlar boshqarib borishadi. Ushbu hakam Evro-2016da hozirgacha ikki uchrashuvda ishladi. Klattenburg Belgiya - Italiya o'yinida 5ta, CHexiya - Xorvatiya bahsida 4ta sariq kartochka ko'rsatdi.

Evro-2016, 1/8 final.
SHVEYCARIYA - POLSHA
25 iyun. Sent-Eten. "Joffrua Gishar" stadioni. 18:00
Hakam - Mark Klattenburg (Angliya).

TAXMINIY TARKIBLAR

SHveycariya: Sommer; Lixtshtayner, SHer, Juru, Rodriges; Bexrami, Jaka, Jemayli; SHakiri, Embolo, Mexmedi.
Sariq kartochkasi borlar: Bexrami, Embolo, SHer, Jaka

Polsha: Fabyanski; Pishek, Glik, Pazdan, Endjeychik; Blashikovski, Krixovyak, Monchinski, Grosicki; Milik, Lavandovski.
O'ynamaydi: SHensni (jarohat)
Sariq kartochkasi borlar: Grosicki, Monchinski, Peshko, Pishek