Islom To'xtaxo'jaev: "Bahsni 0:1 hisobidagi mag'lubiyat boshladik desak ham bo'ladi"

"Muxlislarga yoqadigan gollarga boy o'yin bo'ldi. Uchrashuv boshida tezkor gol o'tkazib yubordik. Bahsni 0:1 hisobidagi mag'lubiyat boshladik desak ham bo'ladi. "Metallurg" jamoasi ham yaxshi o'ynadi. Himoyada yaxshi o'ynab qarshi hujumlardan unumli foydalanishdi. 

"Metallurg" doim o'z uyida juda yaxshi o'ynaydi. Har yili bu jamoa bilan bahslarda qiynalamiz. 10 kishi bo'lib qolganimizdan keyin ham g'alaba uchun harakat qildik. Ammo raqibda qarshi hujumlar uchun bo'sh joylar ko'p bo'ldi.

Uchrashuvdan kelib chiqsak durangdan qoniqdik desam bo'ladi. Ammo bahsdan oldin kimdir durang bo'ladi desa bunga rozi bo'lmasdim, bizga g'alaba kerak edi.

Urgan golimga kelsak "Metallurg"ning uchinchi golida mening aybim bo'ldi. SHu bois jarima to'pini o'zim tepishga va aybimni yuvishga harakat qildim. SHukurki gol urdim.

Himoyada men bilan birga o'ynayotgan Sergey Proxorov haqida nima deya olaman? Yosh, iqtidorli futbolchi. Tajriba yillar davomida keladi. Agar shunday ishlashda davom etsa yurtimiz uchun kerakli himoyachi bo'lib etishadi.

Iyul oyida "Lokomotiv" Minsk shahrida yig'in o'tkazadi. Lekin men Belarusga bormayman. Sababi o'sha paytda terma jamoa safida Avstriya yig'inida bo'laman, - deydi Islom To'xtaxo'jaev.

"Lokomotiv" matbuot xizmati