"Dinamo" Samarqand futboli muzeyida bo'ldi

Uch yillik faoliyati davomida muzey yana bir qancha tarixiy eksponatlar bilan boyidi.

Kuni kecha Ilhom SHaripov boshchiligidagi Dinamo jamoasi ushbu muzeyga tashrif buyurishdi. Tashrif davomida xizmat ko'rsatgan sport ustasi, futbol faxriysi Valeriy Mamajonovich Dinamo futbolchilariga Samarqand futbolining o'tmishi haqida gapirib berib, klub viloyat futboli mavqeini oshirishi lozimligini uqtirdi.

Ilhom SHaripov jamoaga bosh murabbiy etib tayinlangach, klub asosi mahalliy yoshlardan tashkil etilgani va jamoa ayni damda o'z oldiga qo'yilgan maqsad – Oliy Ligaga chiqish uchun yaxshi imkoniyatga ega bo'lib turgani bizni xursand etmoqda. CHunki, birinchi o'rinda poydevor yaxshi qo'yilishi kerak. Natija ham shundan keyin bo'ladi. Bugun jamoa azolarining viloyatimiz futboli muzeyiga tashrif buyurganidan juda xursand bo'ldim. Yosh futbolchilarimiz Samarqand futboli ulkan va yorqin tarixga ega ekanligini bilib, viloyatimiz futboli shon-shuhrati uchun kurashishlari lozim. Samarqand futboli 56 yillik tarixi davomida Evropadagi Franciya, Vengriyadan tortib, Osiyodagi Vetnam mamlakatida bo'lib, zafarli natijalarga erishib qaytganligini bilishlari kerak. Zero, tarixsiz kelajak bo'lmaydi - deydi Valeriy Qodirov.

Futbolchilar muzeydagi mashhur darvozabon Lev Yashin, boks qiroli Muhammad Alining Samarqanddagi tashrifi, Dinamo jamoasining yarim asrlik davri davomidagi yutuqlarini ko'rib katta taassurotlar olishdi.