Oliy liga. Yonma-yon o'rinlarda borayotgan jamoalar bahsi
/ Kiritdi: BestMaster O'qilgan: 1103
Bugun oliy ligada yana uchta uchrashuv bo'lib o'tadi. Amaldagi chempion "Paxtakor" o'z maydonida "Olmaliq"ni qabul qiladi.
Oliy liga, 14-tur. 26 iyun
PAXTAKOR - OLMALIQ
Bosh hakam: Dmitriy Pislegin
Boshlanish vaqti: 19:20
Jadvaldagi o'rni: "Paxtakor" 7-o'rinda (21 ochko), "Olmaliq" 8-o'rinda (18 ochko).
Ochkolar orasidagi farq - 3 ochko.
Tarif: Bu o'yinga bemalol turnir jadvalida yonma-yon o'rinlarda borayotgan jamoalar to'qnashuvi tarifini bersak bo'ladi. Negaki "Paxtakor" ettinchi, "Olmaliq" esa sakkizinchi o'rinni egallab turibdi. Toshkentda mazkur jamoalarning o'zaro bahsi doim qiziq kechgan va bugun ham shunday bo'lsa ajab emas. Yana shuni aytish mumkin, ikkala jamoa ham mavsumni bir tekis o'tkaza olmayapti. Imkoniyatlar borasida esa qaysidir tomonni alohida ajratib ko'rsatish qiyin.
Fakt: O'z maydonida ettita uchrashuv o'tkazgan "Paxtakor" shundan beshtasida zafar quchdi. Jamoa bir bor durang o'ynab, bir marta mag'lubiyatga uchragan. Umuman olganda. "Paxtakor" oxirgi beshta bahsning uchtasida yutqazib, ikki bor g'alabaga erishdi. 12-turda "Olmaliq" joriy mavsum hisobidan safardagi ilk g'alabasini nishonladi. Bungacha safarda oltita o'yin o'tkazgan SHkvirin shogirdlari faqat mag'lub bo'lishgandi.
Eslatma: Kecha bo'lib o'tgan "Paxtakor" - "Olmaliq" (Yoshlar ligasi) bahsida "paxtakorchilar" 2:0 hisobida zafar quchishdi.
Bosh sahifaga
204
