Ro'ziqul Berdiev: "Tarkib borasidagi muammolarimiz ishimizni qiyinlashtirmoqda"

- Mazmunli o'yin ko'rsatmagan bo'lsakda, bugun g'alabaga erishdik. Beshta o'yindan beri g'alaba qozona olmayotgandik. Bu g'alaba bizga kerak edi. Ikkinchi bo'lim boshida ko'plab vaziyatlarni yarata olmadik. Gol o'tkazib yuborilgach asabiylashdik. Lekin shunga qaramay g'alaba qozona oldik. Tarkib borasida jiddiy muammolarimiz bor. Bu ham ishimizni juda qiyinlashtirmoqda.

-O'tgan beshta turdagi muvaffaqiyatsizlikni qanday izohlaysiz?

-Haqiqatan ham natija bo'lmadi. Javobgarlikni o'z bo'ynimga olaman. Bunga qaysidir manoda aybdorman. Gadoev? SHohruh Gadoevni shartnomasi tugagani bilamiz. U bizga kerak. Agar kelisha olsak, uni o'z safimizga qo'shib olamiz. Davralar oralig'ida safimizda o'zgarish bo'ladi. Legionerlarni kuzatayapmiz. Ularni tanlovida adashmasligimiz kerak. Hujum chizig'ini kuchaytirishimiz kerak. Busiz iloji yo'q.

So'zim oxirida ertangi bayram bilan barcha OAV xodimlarini tabriklayman. Ishlaringizga rivoj tilayman, qalamingiz bundanda o'tkir bo'lsin.

Aziz Nuriy