Hamidjon Aktamov: "Menimcha, o'yinimiz muxlislarga ham manzur bo'ldi"

Jurnalistlarni qiziqtirgan savollarga mezbonlar bosh menejeri Hamidjon Aktamov javob berdi.

-  “Olmaliq” tarkib borasida ancha shakllangan jamoa, - deya so'z boshladi Hamidjon G'ulomovich. - Ikkinchi  davrani bir muncha muvaffaqiyatsiz boshlagandik. Anchadan beri ko'p sonli muxlislarimiz g'alabalarimizni sog'inib qolishgandi. Raqib qaysi jamoa bo'lishidan qatiy nazar g'alaba qozonishni o'z oldimizga maqsad qilib qo'ygandik. Bugun faqat kuchli ishtiyoq evaziga g'alaba qozondik, deb bilaman.  Menimcha,  o'yinimiz muxlislarga ham manzur bo'ldi. Jamoamizni faol qo'llab-quvvatlagan muxlislarimizga o'z minnatdorchiligimni bildiraman.

-  CHempionat oxirlagani sayin har bir uchrashuv shiddatli tus olmoqda. Qolgan o'yinlarda ochko yo'qotishga haqqimiz yo'q. Mavsumni yuqori kayfiyatda va munosib o'rinda yakunlashni mo'ljallaganmiz. Buning uchun imkoniyatimiz ham, kuchimiz ham etadi, deb o'ylayman.

-  Uy uchrashuvlarini o'tkazadigan “Yoshlar” sport majmuasida futbol maydoni maysasini almashtirish bo'yicha keng ko'lamli ishlarga amalga oshirilmoqda. SHu bois, bu yilgi mavsumni “So'g'diyona” stadionida yakunlaymiz. O'ylaymizki, kelgusi mavsumda har tomonlama xalqaro talablarga to'liq javob beradigan maydonda raqiblarimizni qabul qilamiz. Kelgusi rejalarimiz ham, jamoa oldiga qo'yiladigan maqsadlar ham shunga yarasha bo'ladi.