Akmal SHorahmedov: “Qiyin o'yinda kerakli ochkolarni qo'lga kiritdik”

- Namanganda kechgan bahs biz uchun oson o'tdi, deyolmayman. “Navbahor” jamoasi murabbiylar shtabida yuz bergan o'zgarishlar qaysidir manoda bizning foydamizga ishladi. Boisi yangi kelgan murabbiylar qisqa vaqt ichida jamoa o'yinini birdan o'zgartirib yuborishi qiyin edi. 2:1 hisobida yutib turgan paytimizda Oleksandr Pishchur imkoniyatdan foydalana olmadi. O'sha vaziyat mezbonlar foydasiga hal bo'lganida balki o'yin tamomila o'zgarib ketardi... Umuman olganda, omadimiz ham chopdi va Namanganda g'alaba qozondik. Qiyin uchrashuvda kerakli ochkolarni qo'lga kiritdik. Biz uchinchi golimizni urganimizda stadion suhandoni Bekboddagi o'yin hisobini elon qildi. SHundan keyin g'alabani ushlab qolishga harakat qildik, - deydi Akmal SHorahmedov.

"Bunyodkor" matbuot xizmati