Messidan xafa bo'ldim

"Yakuniy qarorni qabul qildim. Terma jamoa bilan sovrin yutishga bor kuchim bilan harakat qildim, ammo bu yana qo'limizdan kelmadi. Men juda muhim penaltini amalga oshira olmadim. Kiyinish xonasida terma jamoadagi faoliyatimga yakun yasashga qaror qildim. To'rtta finalda mag'lub bo'ldim. Bugun g'alaba qozonishga harakat qildik... ammo ko'rganingiz sodir bo'ldi. Ketaman, bu hamma uchun yaxshi. Finaldagi mag'lubiyat bizni qoniqtirmaydi. Argentina bilan chempion bo'lishni juda istagan edim, ammo o'xshamadi".

Tuyg'ular? Alam? Jazava? Kuchsizlik? Messining qaroriga o'zingiz istagancha baho bering, ammo xulosa shunday:

Lionel Messi - Aguero, Iguain, Maskerano va boshqa yulduzlar bilan o'ynaydi, yirik turnirlar finaliga chiqadi, hech narsa yuta olmagani uchun terma jamoadagi faoliyatini 29 yoshda yakunlaydi.

Krishtianu Ronaldu - o'ynaydigan terma jamoada unda boshqa yulduz yo'q (mayli Pepeni hisobga olamiz), turnirlarga jarohat bilan keladi, klubdagi faoliyati bilan tavakkal qiladi, jamoasini pley-offga olib chiuqadi, Portugaliya uchun barchasini bajaradi, ammo hech qanday sovrin qo'lga kirita olmasligini yaxshi biladi.

Ha, Messi - daho, futbol tarixidagi eng yaxshi futbolchi, ammo 29 yoshda terma jamoadan ketish... Buyuk futbolchilar egoist bo'lishini tushunamiz, ammo bu borada etakchilardan hisoblangan Zlatan Ibragimovich ham 34 yoshida hech narsaga yaramaydigan SHveciya safida to'p tepdi.

Leo Maradonadan foydaliroq va aqlliroq bo'lishi mumkin, ammo u maydonni xafa bo'lgan maktab o'quvchisidek tark etdi.