Futzal. O'zbekiston terma jamoasining bugungi mashg'uloti
/ Kiritdi: BestMaster O'qilgan: 1002
Xose Mariya Mendez boshchiligidagi O'zbekiston milliy terma jamoasi 27 iyundan yig'inga kirishdi.
Mashg'ulotlar kuniga ikki mahaldan olib borilmoqda. Ertalabki mashg'ulot 10:00da, kechkisi esa 17:00da o'tkazilmoqda.
Mendez avvaliga yig'inga 20 nafar futzalchini chaqirgan edi, ammo so'nggi pallada Feruz Faxriddinov "Olmaliq" jamoasi bilan klublar o'rtasidagi Osiyo chempionatida ishtirok etadigan bo'ldi va yig'indan ozod etildi. "Nafis" jamoasi azosi Muhammad Rajabov esa malum sababga ko'ra, yakuniy ro'yxatdan tushib qoldi.
Bugun ertalabki mashg'ulotda 18 o'yinchining barchasi ishtirok etdi. Bular:
Darvozabonlar: Akmal Xazratqulov, SHavkat Ibragimov, Ramil Almamedov.
O'yinchilar: Dilshod Irsaliev, Nodir Eliboev, Dilshod Rahmatov, Ilhom Xamroev, Eldor Hoshimov, Davron Abdurahmonov, Alan Aminov, Sirojiddin Mahmudov, Mashrab Odilov, Dilmurod SHavkatov, Ilhom Rajabov, Alisher Ibragimov, Tohir Abdurazzoqov, Said Rizo Mirsharofov, Akbar Usmonov.
Bosh murabbiy hozircha og'ir yuklamalar bermayapti va engil mashqlar bilan birga to'p bilan ko'proq ishlatmoqda.
Kechki mashg'ulot trenajerda boshlanadi va zalda davom ettiriladi.
Barcha mashg'ulotlar "O'zbekiston" sport majmuasida o'tkazilmoqda.
Eslatib o'tamiz, O'zbekiston terma jamoasi 12, 13, 14 iyul kunlari Tojikiston bilan Toshkentda uchta o'rtoqlik uchrashuvi o'tkazadi.
Bosh sahifaga
244