Oliy liga. Diqqat markazda Toshkent derbisi

Oliy liga, 15-tur. 1 iyul
LOKOMOTIV - BUNYODKOR

Bosh hakam: Ravshan Ermatov
Boshlanish vaqti: 19:00

Jadvaldagi o'rni: "Lokomotiv" 2-o'rinda (35 ochko), "Bunyodkor" 1-o'rinda (36 ochko)
Ochkolar orasidagi farq - 1 ochko

Tarif: Mazkur uchrashuvga etibor yuqori. CHunki bu o'yin birinchi davra g'olibi kim bo'lishini aniqlab berishi mumkin. Toshkent derbisi maqomiga ega bahsda jamoalarning imkoniyati teng baholanmoqda. Faqat "Loko" o'z maydonida to'p tepishini inobatga olsak, ustunlik ko'proq "temiryo'lchilar" tomonida. Ikkala jamoa mavsumni yuqori notada o'tkazyapti va "Lokomotiv" ham, "Bunyodkor" ham hozircha mag'lub bo'lgani yo'q. Bu ham o'yinga bo'lgan qiziqishni oshiradi.

Fakt: O'z maydonida shu paytgacha beshta uchrashuv o'tkazgan "Lokomotiv" shularning hammasida g'alaba qozondi. To'plar nisbati: 15-2. Jamoa endi "Bunyodkor"ga qarshi bahs olib boradi va bu o'yinni ham o'z foydasiga hal etishga urinib ko'radi. "Bunyodkor" esa safarda hozircha ettita uchrashuv o'tkazib, shundan 5tasida g'alaba qozongan va ikki bor durang o'ynadi. To'plar nisbati: 13-3. Ikkala jamoa ham oliy ligada hozircha mag'lubiyatga uchragani yo'q.

Eslatma: Kecha bo'lib o'tgan "Lokomotiv" - "Bunyodkor" (Yoshlar ligasi) bahsida mehmonlar 3:1 hisobida g'alaba qozonishdi.