"Obod" futbolchilari antirekord qayd etishdi
/ Kiritdi: BestMaster O'qilgan: 892
Kecha oliy liganing 15-turidan o'rin olgan "Obod" - "Paxtakor" uchrashuvi bo'lib o'tdi.
Bu o'yinda "Paxtakor" 4:1 hisobida g'olib bo'ldi. Etiborli tomoni oliy liga debyutanti bo'lgan "Obod" klubi hujumchisi SHoxruz Norxonov penaltidan gol ura olmadi. Uchrashuvning 67-daqiqasida Norxonovning 11 metrli jarima to'pidan yo'llagan zarbasini "Paxtakor" posboni Nikita Ribkin qaytarishga erishdi.
Qizig'i "Obod" futbolchilari bu mavsumda jami to'rt marta penalti tepish huquqini qo'lga kiritishdi va umuman gol ura olishmadi. 9-turda "Neftchi"ga qarshi bahsda Pavel Solominning "nuqta"dan yo'llagan zarbasini posbon qaytarib qolgandi. 11-turda "Mashal" bilan bahsda esa Sanjar To'raqulov va SHerzod Jalilov 11 metrli jarima zarbasidan so'ng gol ura olishmagandi.
SHunday qilib, 4 marta penalti tepish huquqiga ega bo'lgan toshkentliklar ularning hech biridan foydalana olishmadi va O'zbekiston chempionati antirekordini qayd etishdi.
Malumot uchun, "Obod" darvozasiga 6 marta penalti belgilangan va ularning 5tasi gol bilan tugagan.
Bosh sahifaga
1743
23 Avgust 2021, 22:58