Bugun Kuala-Lumpurda Malayziya – O'zbekiston o'yini
/ Kiritdi: BestMaster O'qilgan: 1388
Bugun Malayziyaning Kuala-Lumpur shahrida futzal bo'yicha ayollar terma jamoalari o'rtasidagi ilk Osiyo chempionati boshlanadi.
Qita chempionatida Osiyoning 8ta davlati terma jamoalari ikki guruhga bo'lingan holda bahslarga kirishishadi. Biz uchun ahamiyatlisi, O'zbekiston ayollar terma jamoasi ham ushbu tarixiy qita chempionatida ishtirok etadi.
Futzalchilarimiz “A” guruhdan joy olishgan bo'lib, Avaz Maqsumov shogirdlari Eron, Malayziya va Gonkong terma jamoalariga qarshi bahs olib borishadi. Bugun terma jamoamiz guruhdagi ilk uchrashuvni mezbonlarga qarshi o'tkazadi. Aynan shu bahs Osiyo chempionatining ochilish o'yini sifatida qayd etiladi. Malayziya – O'zbekiston uchrashuvi bizning vaqt bilan soat 13:30da boshlanadi.
Ertaga Eron, 23 sentyabr kuni Gonkong terma jamoasiga qarshi o'yinlar belgilangan. Har bir guruhdan ikkitadan jamoa yarim finalga yo'l oladi. Eslatib o'tamiz, terma jamoa futzalchilarining aksariyatini “Sevinch” klubi futbolchi qizlari tashkil qiladi. SHuningdek, Toshentning “Bunyodkor”, poytaxt viloyatining “Metallurg” klublaridan ham futzalchilar taklif etilgan.
Malumot sifatida aytish mumkin, terma jamoamiz safar oldidan Qarshi hamda Toshkent shahrida o'quv-mashg'ulot yig'inini tashkil etdi. Osiyo chempionati g'olib va sovrindorlari 26 sentyabr kuni malum bo'ladi.
Bosh sahifaga
233