Andrey Miklyaev: "Bunyodkor" himoyada tartibli o'ynadi"

- Bugun juda muhim bellashuv bo'lib o'tdi. Davraning so'nggi bahsida ikkita etakchi jamoalar to'qnash kelishdi. Uchrashuv qiymati yuqori bo'lgani uchun jamoalar ehtiyotkorona o'yin namoyish etishdi. "Bunyodkor" himoyada yaxshi, tartibli o'ynadi. "Bunyodkor" va "Lokomotiv" juda noqulay ob-havoda o'ynadi. SHu bois bugungi bir ochko bilan har ikkala jamoani tabriklasa bo'ladi. Futbolchilarga hech qanday etiroz yo'q, ular juda issiq havoda maydonda bekor o'tirishmadi. Harakat qilishdi.

Davralar oralig'ida jamoani hujum chizig'ida kuchli futbolchini olib kelishni rejalashtiryapmiz. Hozircha bitta o'rin bo'sh turibdi. Aniq bir nomzod yo'q. Jamoani selekciya ishlari davom etmoqda. SHohruz Norxonov? Bu futbolchi hozircha bizning qiziqishlarimiz doirasida emas. Menimcha, Norxonovni "Bunyodkor" olsa kerak.

Nemanya Yanichichni hozir qo'yib yuborganmiz. Yanichich o'z yurtida davolanish, tiklanish jarayonlarini o'tkazmoqda. Nemanya og'ir jarohatdan so'ng ancha vaqt o'yin amaliyotisiz qoldi. Himoyachi Minskdagi yig'inda safimizga kelib qo'shiladi. Legioner hujumchi? Izlayapmiz.