Sergey Lushan: "Loko" o'yin jihatidan O'zbekistondagi eng kuchli jamoa"

- Yaxshi o'yin bo'ldi. Futbolchilar deyarli meni barcha ko'rsatmalarimni to'g'ri amalga oshirishdi. "Lokomotiv" ayni paytda o'yin jihatidan O'zbekistondagi eng kuchli jamoa. "Loko"da yuqori darajadagi futbolchilar, kuchli ijrochilar bor. Tarkib jihatidan "Lokomotiv"ga etadigani yo'q. Bugun biz o'yin tizginini o'zimiz raqibga berishni istadik va ularni qarshi hujumda "ushlamoqchi" bo'lgandik. Vaziyatlar bo'ldi, ammo imkoniyatlardan foydalana olmadik.

Birinchi davrani yakunladik. Peshqadam jamoadan ikki ochkoga orqada qolyapmiz.  Hech bir futbolchiga etirozim yo'q. Barcha futbolchilar jonlarini berib harakat qilishdi. Ikkinchi davra oldidan tarkibni kuchaytirishni rejalashtiryapmiz. Mavsumning ikkinchi qismida kurash yanada qizg'in kechadi.

"Mashal"ning himoyasini yorib o'tish nasib etmadi, "Nasaf" bilan ham yaxshi, tengma-teng o'yin bo'ldi. "Metallurg"ga qarshi o'yin juda zo'r kechdi. Ularni qanday kuchli ekanligini bilardik, lekin ulardan bu kabi kuchli bahsni kutmagandik ochig'i."Metallurg" ushbu mavsumda juda kuchli o'ynamoqda. Ularga shunchaki tasanno deyish mumkin.