SHavkat Saidov: "Neftchi" haqli g'alabaga erishdi"

"Bugun muxlislar juda murosasiz o'yinning shohidi bo'lishdi. "Neftchi" jamoasi futbolchilarini, murabbiylarini haqli g'alaba bilan tabriklayman. Bugungi uchrashuvda ular ko'proq g'alaba qozonishni istashdi. Bolalarning ko'zi yonib, katta ishtiyoq bilan o'ynaganliklari bois kerakli natijani qo'lga kiritishdi. Farg'onaliklar bilan bizga doimo qiyin bo'lgan, uyda ham safarda ham. Bizga nima etishmadi, biz ruhan yutqazib qo'ydik. Bundan tashqari peshkadamlarga qarshi kechgan jiddiy uchrashuvlarda ko'p kuch sarflaganligimiz bois futbolchilarimizda charchoq yaqqol ko'rindi. Ehtimol bugun tarkibni ancha o'zgartirib, raqibni ham chalg'itishimiz kerakmidi? "Neftchi"ni g'alaba bilan yana bir bor tabriklayman", - deydi SHavkat Saidov.

"Metallurg" matbuot xizmati