Breaking news: Erkin Boydullaev "Nasaf"dan ketdi

Uning nima sababdan ketgani bilish maqsadida Boydullaev bilan bog'langanimizda u shunday dedi:
"Bo'ldi, etar, ketaman! "Nasaf" muxlislaridan uzr so'rayman! Ammo boshqa bu jamoada qolishga toqatim qolmagan. Bu erda moliyaviy taraflar yoki jamoaning muvaffaqiyatsiz o'yinlarining dahli yo'q", - deydi Erkin Boydullaev.

Jamoadan ketishiga nima sabab bo'lgani hozircha nomalum. "Nasaf"ning bir qator etakchi futbolchilari jamoani tark etishlari mumkin.
"Nasaf"da o'zgarishlar payti kelganga o'xshaydi.

Tez orada futbolchi intervyu berishiga va nima sababdan ketishga qaror qilganini tushuntirishini aytib o'tdi.

Erkin Boydullaevda kichik jarohat borligi sabab futbolchi "Andijon"ga qarshi O'zbekiston kubogi doirasidagi o'yinni o'tkazmasdan klub qarorgohini tark etgan.
"Menda jarohat mavjud. SHu boisdan ham "Andijon" bilan o'yinni kutib tura olmadim", - deydi Boydullaev.

Eslatib o'tamiz, Erkin Boydullaev "Nasaf"ga 2010 yilning dekabr oyida kelib qo'shilgandi.
Anatoliy Demyanenko murabbiy davrida kelgan Boydullaev "Nasaf"da 6 yil o'ynadi va OFK kubogi, O'zbekiston kubogi, O'zbekiston chempionatining kumush medali, bir necha bor bronza medallarini qo'lga kiritdi.