"Neftchi" iyul oyida "Buxoro" va "Paxtakor" bilan o'ynaydi

“Neftchi” futbolchilari 9 iyul kuni ikkinchi davraga tayyorgarlik ko'rish uchun Dukentdagi sport bazasida yig'ilishadi. Oradan uch kun o'tib farg'onaliklar Toshkentda “Futbol-MED” tibbiy ko'rigidan o'tishlari reja qilingan. Dukentdagi tayyorgarlik jarayoni 20 iyulga qadar davom etadi va shu kuni yig'in Toshkent shahrida ko'chiriladi. Toshkent yig'ini doirasida 2 ta o'rtoqlik o'yini rejaga kiritilgan. Dastlab 20 iyul kuni “Buxoro” jamoasiga qarshi nazorat uchrashuvi o'tkazilinadi. 23 iyul sanasida esa Toshkentning “Paxtakor” futbolchilari jamoamizning navbatdagi raqibiga aylanadilar.

O'rtoqlik o'yinlari:
“Neftchi” – “Buxoro” (20 iyul)
“Paxtakor” – “Neftchi” (23 iyul)

“Neftchi” murabbiylar shtabi selekciya jarayoniga zo'r berishgan. Tabiiyki, davralar oralig'ida tarkib kuchaytirilishiga katta urg'u beriladi. Ayni paytda bir qator futbolchilar bilan muzokaralar davom etmoqda. SHuningdek, tajribali futbolchi Akmal Xolmatov ham ikkinchi davradan jamoamiz sharafini himoya qilishni boshlaydi. Eslatib o'tamiz, mavsum avvalida tarkibga qo'shib olingan Sardor Eminov hamda Ilhom Boydedaevlar katta extimol bilan ikkinchi davrani boshqa jamoalarda o'tkazishadi.

“Neftchi” klubiga oid so'nggi yangiliklarni jamoa rasmiy sayti orqali kuzatib boring!

“Neftchi” matbuot xizmati