Temur Olimxo'jaev: “Minsk yig'inidan ko'nglim to'ldi”
/ Kiritdi: BestMaster O'qilgan: 977
Osiyo chempionatiga tayyorgarlik ko'rayotgan O'zbekiston o'smirlar terma jamoasi iyun oyining oxirgi o'n kunligida Minskda Belarus terma jamoasiga qarshi ikkita nazorat uchrashuvida maydonga tushib, bir o'yinda g'alaba qozongan bo'lsa, yana bir bahsda mag'lubiyatga uchradi. Biz bosh murabbiy Temur Olimxo'jaevning Minsk safari taassurotlari bilan qiziqdik.
- Belorusda juda yaxshi sharoitlarda shug'ullandik. Mezbonlar bizni iliq tarzda qarshi olishdi. Milliy terma jamoaning bazasidan joy ajratishdi. Kuniga ikki mahaldan mashg'ulot o'tkazdik. Hatto o'yin kunlari ham mashg'ulotlarimizni to'xtatganimiz yo'q. Aytishim kerak, har ikkala bahsda ham g'alaba qozonishimiz mumkin edi, biroq dastlabki o'yinda bizga omad kulib boqmadi. Ikkinchi bellashuvda bolalar albatta g'alaba qozonamiz, deya katta ishtiyoq bilan maydonga chiqish va buni uddalashdi. Belorus termasi Evropa vakili ekanligini yaqqol ko'rinib turdi. Futbolchilari tezkor, funkcional jihatdan ancha ustun. Biroq bizning yigitlar amalda ulardan qolishmasliklarini isbotlashdi. Minskka 18 nafar futbolchini olib ketgandik. O'rtoqlik uchrashuvlarida ularning barchasini maydonga tushirdik. Meni xursand qilgani barchaning ko'zi yondi. Maydonda borlarini berib harakat qilishdi. Qisqasi, Belorusda tashkil qilingan yig'indan ko'nglim to'ldi.
Bosh sahifaga
218
