Sergey Kovshov: "Albatta, mehmonda ochko olish yaxshi"

- O'yin yaxshi o'tdi. Bugun ikkala jamoada ham gol urish uchun vaziyatlar bo'ldi. Musobaqa jadvalidagi holatimiz qiyin bo'lgani bois bugungi bahsda bizga ochko juda zarur edi. SHuning uchun yigitlar maydonda borlarini berib o'ynashdi. Albatta, mehmonda ochko olish yaxshi. SHu bois natija biz uchun yomon bo'lmadi. To'g'ri, o'yin sifatida u qadar yuqori bo'lmagandir, lekin o'yin kurashlarga boy bo'ldi. Mana shunday kurashda ochko olishni uddaladik. Bundan xursandmiz albatta. Uchrashuv oxirida gol urib g'alaba qozonishimiz ham mumkin edi. Lekin juda qulay imkoniyatdan foydalana olmadik. 

- Maydonda eng yaxshi o'yinchi sifatida kimni ko'rsatgan bo'lardingiz?
- Albatta, bu borada darvozabonimiz Gennadiy Moshnyagani aytsam xato bo'lmasa kerak. U bugun ham bir qator vaziyatlarda gollardan qutqardi. Avvalgi turda “Qizilqum” bilan bo'lganda o'yinda ham Moshnyaga o'zini ko'rsatgandi. Ammo maydonda birgina Moshnyaga o'ynagani yo'q va butun jamoa bugun yaxshi harakat qildi. SHuning uchun hamma yigitlarga rahmat aytaman.