Futzal. Malayziya – O'zbekiston 9:4

Qita chempionatida Osiyoning 8ta davlati terma jamoalari ikki guruhga bo'lingan holda bahslarga kirishishdi. O'zbekiston ayollar terma jamoasi ham ushbu tarixiy qita chempionatida ishtirok etadi.

Futzalchilarimiz “A” guruhdan joy olishgan bo'lib, Avaz Maqsumov shogirdlari Eron, Malayziya va Gonkong terma jamoalariga qarshi bahs olib borishadi. Bugun terma jamoamiz guruhdagi ilk uchrashuvni mezbonlarga qarshi o'tkazdi. Osiyo chempionatining ochilish o'yini sifatida qayd etilgan bahsda Malayziya 9:4 hisobida zafar quchdi.

Ertaga Eron, 23 sentyabr kuni Gonkong terma jamoasiga qarshi o'yinlar belgilangan. Har bir guruhdan ikkitadan jamoa yarim finalga yo'l oladi.