O'zbekiston kubogi. ¼ final. “Temiryo'lchilar” dastlabki uchrashuvni Muborakda o'tkazadilar

Ushbu uchrashuvga qadar O'zbekiston kubogida mezbonlar “Mashal” uch uchrashuvda maydonga tushgan bo'lsalar, “Lokomotiv” ikkita o'yin o'tkazgan.

Muborakliklar bu yilgi Kubok bahslarini “Mashal 2” jamoasiga qarshi o'yin bilan boshlaganlar. Bu uchrashuvning asosiy vaqtida hisob ochilmagan va “Mashal” penaltilar seriyasida omadliroq bo'lib 1/8 finalga yo'l olgan. 1/8 finalda Xomyakov shogirdlari Jizzaxning “So'g'diyona” klubi to'sig'idan ikki uchrashuv natijasiga ko'ra o'tib ( “Mashal” – “So'g'diyona” 1-1 va “So'g'diyona – “Mashal”  0-1)Toshkentning “Lokomotiv” klubiga duch keldilar.

Toshkentliklar esa O'zbekiston kubogi o'z ishtiroklarini 1/8 finaldan boshladilar. “Temiryo'lchilar”ga raqib sifatida musobaqa setkasida Andijonning “Uz-Dong-Ju” klubi ro'baro keldi. Ikki uchrashuv yakunlariga ko'ra (“Uz-Dong-Ju” – “Lokomotiv” 1-4 va “Lokomotiv” – “Uz-Dong-Ju” 9-0) raqibini tor-mor etdi.

Bu ikki jamoalar 2016 yil futbol mavsumida O'zbekiston CHempionati bahslarida o'zaro maydonga tushgan va ushbu uchrashuvda “temiryo'lchilar” raqibi muborakliklarni 3-1 hisobida mag'lub etganlar. Gollarni Server Jeparov, Sardor Mirzaev va Temurxo'ja Abduholiqovlar kiritgan. Yagona javob to'pini SHaxzod SHaymanov uchrashuv so'ngida kiritishga muvaffaq bo'lgan.

O'zbekiston Kubogi. ¼ final
Birinchi uchrashuv.
“Mashal” (Muborak) – “Lokomotiv” (Toshkent)
5 iyul 2016. Muborak.
Bahrom Vafoev nomidagi stadion. 19:00