Jalil Kimsanov: "Maqsadimiz kubokda uzoqroqqa borish"

Biz uchrashuvdan oldin Qo'qon jamoasi himoyachisi Jalil Kimsanovni suhbatga tortdik.

- Biz bu o'yinda faqat g'alaba qozinishni maqsad qilganmiz. Bugungi “Buxoro” ustidan qozoniladigan g'alaba bizga chempionatdagi mag'lubiyatlarimizni biroz bo'lsada esdan chiqarib, tanaffusga yaxshi kayfiyatda chiqib ketishimizni taminlaydi.

Birinchi davrada juda ko'p ochkolar yo'qotdik. Endi ikkinchi davrada muxlislarni ijobiy natijalar bilan xursand qilishimiz darkor. Buning uchun tarkibimizda ham o'zgarishlar bo'lishi kutilyapti va albatta astoydil mehnat qilishimiz ham talab qilinadi. Biz ishlashga tayyormiz. O'zbekiston kubogi o'yinlarida esa iloji boricha uzoqroqqa borishni maqsad qilganmiz – deydi Jalil Kimsanov.

"Qo'qon-1912" matbuot xizmati