“Nasaf” jamoasi tarkibi yangilanish arafasida

“Nasaf” futbol klubi tarkibni shakllantirish bo'yicha o'zining uzoqni ko'zlagan rejasiga ega. Bu rejaning asosiy maqsadi – yosh futbolchilarga ko'proq etibor berishdir. Qashqadaryo Viloyat Futbol Federaciyasi Prezidenti hamda klubimiz Prezidenti tomonidan ham bu reja qo'llab-quvvatlanmoqda. Bu maqsadlarni amalga oshirish bundan buyon ham davom ettiriladi. SHundan kelib chiqib, ikkinchi davrada ham tarkibimizni tark etgan o'yinchilar o'rniga mana shunday yosh tarbiyalanuvchilarimiz hisobidan to'ldiriladi. Albatta, bu “Nasaf” tarkibida faqat yosh futbolchilar o'ynaydi degan, fikrni paydo  qilmasligi kerak. Jamoamizda ular qatorida tajribali futbolchilar ham bo'ladi.
 
Klub qoshida futbol maktabi faoliyat yuritmoqda va bunda ko'plab yosh iqtidorli futbolchilar voyaga etishmoqda. Bunga misol tariqasida maktabimiz tarbiyalanuvchilaridan keyingi yillarda mamlakatimizning yoshlar  terma jamoasiga taklif olayotganini aytib o'tish joiz. Bundan tashqari ulardan ko'plari ayni paytda asosiy tarkibimizda faoliyat olib borib, muxlislarning olqishiga ham sazovor bo'lishmoqda.
 
“Nasaf” jamoasining keyingi uchrashuvlardagi muvaffaqiyatsizligi sabablaridan biri – jamoamizning bir qancha etakchi futbolchilarining uchrashuvlar payti olgan jarohatlari bo'ldi. Bunday futbolchilarga Maqsud Karimov, SHerzod Azamov, Dilshod Rahmatullaev, SHuhrat Muhammadiev, Saydullo Rahmatovlarni misol keltirish mumkin.
 
Jamoamiz shifokorlari shu kunlarda ularning safga qaytishi uchun katta ishlarni amalga oshirishmoqda.
 
SHunday ekan, klubimiz ishqibozlari bizni to'g'ri tushunishadi degan, umiddamiz. “Nasaf” futbol klubi o'z oldiga qo'ygan yuqori maqsadlar uchun kurashni davom ettiraveradi.