Artur Gevorkyan "Nasaf"ni nima uchun tark etganini oshkor qildi

Uning bu qarorini klubimiz hurmat qiladi. Artur Gevorkyan safimizda ajoyib faoliyat olib bordi. SHuningdek uning klubimiz yutuqlariga qo'shgan hissasi ham juda salmoqlidir.
 
Klubimiz rahbariyati uning jamoamizda olib borgan faoliyati va ajoyib o'yinlari uchun tashakkur bildiradi va uning keyingi faoliyatiga ulkan zafarlar tilab qoladi.
 
- “Nasaf” jamoasidagi faoliyatim,  ajoyib davrim bo'ldi. Bu jamoada katta yutuqlarga erishdim. Bundan juda minnatdorman. Hech qanday noroziligim yo'q. Hammasi ko'ngildagidek bo'ldi. Buning uchun klub rahbariyatiga va muxlislarga o'z minnatdorchiligimni aytib o'tmoqchiman.

Ammo jamoada yangilanish bo'lishi kerak, yangi kuchlar maydonga chiqishi kerak. SHu maqsadda “Nasaf”dan boshqa jamoaga o'tishga qaror qildim. Buni “Nasaf” jamoasi muxlislari to'g'ri tushunishadi degan, umiddaman. SHaxsan men barcha muxlislarni hurmat qilaman, meni doimo qo'llab-quvvatlaganlarini yodimdan chiqarmayman. Hammalaringizga rahmat, - deydi Artur Gevorkyan.