Timur Vasilev: ”Birinchi davrani yaxshi kayfiyatda tugatmoqchimiz”

Ushbu o'yin oldidan “Andijon” jamoasining yarim himoyachisi Timur Vasilevning fikrlari bilan qiziqdik.

-O'zbekiston Kubogida yaxshi natijani qo'lga kiritish bizning vazifamiz. Futbolchilar ham, rahbariyat ham o'z oldiga buni maqsad qilib belgilagan.  O'z uyimizda qabul qilayotganimiz bu albatta yaxshi. G'alaba uchun xarakat qilamiz.  Oliy ligadagi muvaffaqiyatsiz uchrashuvlar sabab muxlislar oldida uyatdamiz. Bugungi kubokdagi o'yinimiz bilan muxlislarning ishonchini oqlamoqchimiz.  “Nasaf” ga qarshi o'ynash doimo qiziqarli. Ular raqibga yaxshi o'ynashi uchun imkoniyat beradi va o'zlari ham chiroyli o'yin namoyish etadi.  Albatta, 5-6 ta  omadsiz bahslardan so'ng  jismonan toliqish va ruxiy charchoq bor. Bu o'z o'zidan o'yinga tasir qiladi. Lekin bugungi uchrashuvda faqat g'alaba uchun harakat qilamiz. Birinchi davrani yaxshi  kayfiyatda tugatmoqchimiz – deydi Vasilev.

"Andijon" matbuot xizmati