Sardor Rashidov jizzaxlik muxlislarni “Bunyodkor”ni qo'llab-quvvatlashga chorlamoqda

“Bunyodkor”ni O'zbekiston kubogi finaliga yo'llanma olganligi bilan tabriklayman. “Paxtakor”ga qarshi kechgan yarim final uchrashuvlarini kuzatib borishga harakat qildim. Sobiq jamoadoshlarimning harakatlari menga manzur bo'ldi. Har ikkala o'yinda ham ustunlikka ega bo'lishib, haqli ravishda final yo'llanmasi qo'lga kiritishdi. Final uchrashuvi Jizzax shahrida o'tishi haqidagi xabarni eshitib, ochig'i ikki hissa xursand bo'ldim. Birinchidan mana shunday muhim o'yinlarni viloyatlarga belgilangani juda quvonarli hol. Ikkinchidan o'zim tug'ilib o'sgan Jizzax shahridagi muxlislarga bu o'ziga xos sovg'a bo'ldi. Qolaversa, Jizzaxdagi yangi stadionga berilgan yuqori bahodir. O'ylaymanki, final kuni stadion futbol muxlislari bilan to'lib toshadi. Albatta, “Bunyodkor”ni g'olib chiqishini istayman va sobiq jamoadoshlarimga muxlislik qilaman. SHuningdek, jizzaxlik mahalliy ishqibozlarni ham “qaldirg'ochlar”ni qo'llab-quvvatlashga chorlab qolaman,- deydi Sardor Rashidov.