Futzal. "Olmaliq" jamoasining kechagi mashg'uloti
/ Kiritdi: BestMaster O'qilgan: 932
Futzal bo'yicha O'zbekistonning amaldagi chempioni hisoblangan "Olmaliq" jamoasi 15-23 iyul kunlari bo'lib o'tadigan klublar o'rtasidagi Osiyo chempionatida mamlakatimiz nomidan ishtirok etadi.
Ayni paytda jamoa tayyorgarlikning so'nggi bosqichini o'tkazmoqda. Har kuni 12:00da "O'zbekiston" sport majmuasida mashg'ulot olib borilmoqda. Kechagi mashg'ulotda musobaqaga "zayavka" qilingan 14 nafar futzalchining barchasi ishtirok etdi. Kichik jarohatlari borligi bois SHuhrat Tojiboev, Jamoliddin SHaripov hamda Xurshid Umaralievlar yakka tartibda shug'ullanishdi. Bundan tashqari, Andrey SHlemada ham engil jarohat bor.
Musobaqagacha oz muddat qolgani sabab bosh murabbiy Aleksandr Petrov asosan o'yin paytida yuzaga keladigan vaziyatlar ustida ishlashni maqul ko'rmoqda. Og'ir yuklamalar berilmayapti.
"Olmaliq" klubi bugun "O'zbekiston" sport majmuasida milliy terma jamoamiz bilan nazorat o'yini o'tkazadi.
Eslatib o'tamiz, "Olmaliq" Eronning “Tasisat Daryoi” hamda Livan chempioni “Al Mayadin” klublari bilan birga “B” guruhidan joy olgan.
Bosh sahifaga
228
