“Neftchi” mashg'ulotlarga kirishdi

Andrey Fyodorov jamoasi Dukentdagi sport bazasida 11 kun davomida mashg'ulot o'taydi. Dukent yig'inining ilk qismiga jamoa katta murabbiyi Murod Ismoilov boshchilik qilmoqda. Ko'p o'tmay, Moskva safariga yo'l olgan Andrey Fyodorov ham yurtimizga qaytib keladi va jamoa mashg'ulotlarida o'z ishini davom ettiradi.  Tarkibda o'zgarishlar bo'lishi kutilmoqda.

Eslatib o'tamiz, “Neftchi” futbolchilari Dukent yig'inini yakunlagach, Toshkent shahrida 2 ta o'rtoqlik o'yinida ishtirok etishadi. “Paxtakor” hamda “Buxoro” klublari jamoaning nazorat uchrashuvlaridagi raqiblari hisoblanadi. Malumot o'rnida, farg'onaliklar ikkinchi davraning ilk bahsini o'z maydonlarida Toshkentning “Bunyodkor” jamoasiga qarshi o'tkazishadi.

“Neftchi” matbuot xizmati