"Navbahor": Tayyorgarlik boshlandi

Ravshan Bozorov boshchiligidagi dastlabki mashg'ulotda jamoa tarkibida mavsum birinchi yarmini “Norin”da o'tkazgan Artur Parvanov, Murod To'ychiboev va Vladislav Aleksinlar ham shug'ullanishdi. Dastlabki kungi mashg'ulotlarda turli sabablarga ko'ra birinchi davrani “Navbahor”da o'tkazgan futbolchilar ishtirok etishmadi. Ularni jamoa safiga poytaxt yig'ini chog'ida qo'shilishlari kutilmoqda.

“Navbahor” ertaga ham Namanganda mashg'ulot o'tkazadi. Yangi hafta boshida jamoamiz azolari Toshkent viloyatining tog'li xududiga yo'l olishadi. Bir haftalik yig'in davomida asosiy etibor futbolchilarning jismoniy holatini yaxshilashga qaratiladi.  Bir haftalik yig'in yakuniga etgach, jamoa azolariga qisqa muddatlik dam olish elon qilinadi. 20 iyuldan jamoa azolari tayyorgarlikning asosiy qismini o'tash maqsadida Toshkentda to'planishadi. Poytaxt yig'ini davomida nazorat uchrashuvlarini o'tkazish ham rejalashtirilgan.

Davralar oralig'ida tarkibda bir qator o'zgarishlarni ro'y berishini aytib o'tish mumkin. Bu borada bosh murabbiy Ravshan Bozorov quyidagilarni malum qildi: - Bugun jamoa safiga “Norin”dan taklif etilgan Artur Parvanov, Murod To'ychiboev va Vladislav Aleksinlar qo'shilishdi. Ayni paytda tarkibni kuchaytirish maqsadida bir qator futbolchilar bilan muzokaralar olib bormoqdamiz. O'zaro kelishuvga erishilgan futbolchilarni jamoamiz safiga Toshkent viloyatidagi yig'inda qo'shilishi ko'zda tutilgan. Kelishuv borasida bir to'xtamga kelganimizdan keyin jamoa tarkibiga qo'shiladigan o'yinchilar haqida malumot bersak to'g'riroq bo'lardi.