“Metallurg”: birinchi davra sarhisobi
/ Kiritdi: BestMaster O'qilgan: 1042
2016 yilgi mavsumni ko'tarinki kayfiyatda boshlagan Bekobodning “Metallurg” jamoasi birinchi davradan keyin to'rtinchi o'rinni egallab turibdi.
Toshkent viloyati vakillari o'tkazilgan 15 ta uchrashuvning 8 tasida g'alaba qozonishdi, 4 ta o'yinda durang o'ynashdi va 3 ta uchrashuvda imkoniyatni boy berishdi. Raqiblar darvozasiga 24 ta gol kiritishgani holda, o'z darvozalaridan 17 ta to'p olib chiqishdi.
Jamoa o'z uyida 8 ta o'yin o'tkazib, shulardan 6 tasida zafar quchdi. O'z uyida o'tkazilgan uchrashuvlarda oliy liga jamoalari orasida “Metallurg” eng yaxshi natijani qayd etdi. Safarda ham bekobodliklar bu yil bir tekis o'yin namoyish etishayotganligini ham takidlab o'tish lozim. 7 ta o'yinda 8 ochko jamg'argan madanchilar bu borada chempionatning 5-7 o'rinlarini “Paxtakor”, “Qizilqum” jamoalari bilan bo'lib turishibdi.
Jamoa azolarining birinchi davradagi ulushlariga to'xtaladigan bo'lsak, bu borada o'tgan mavsumda bo'lgani kabi jamoa sardori Hikmat Hoshimov boshqalarga o'rnak bo'layapti. Bu yilgi mavsumda 400-lik davondan oshib o'tgan Hikmat Hoshimov 15 ta o'yinning barchasida to'liq harakat qildi. Sardordan tashqari jamoa himoyachisi Mirg'iyos Sulaymonov ham yuz foizlik natijani qayd etib turibdi. Jamoaning yana to'rt nafar o'yinchisi ham 15 tadan uchrashuvda maydonga chiqishgan. Ammo ular bazi uchrashuvlarda o'z o'rinlarini boshqa jamoadoshlariga bo'shitib berishganligi bois ularda o'yin daqiqasi kamroq.
Jamoaning sermahsul hujumchisi Zohid Abdullaev birinchi davrada raqiblar darvozasiga 10 ta gol kiritib, chempionat to'purarlari ro'yxatida etakchilardan biri bo'lib turibdi. Quyida berilayotgan taqvimda sizni qiziqtiruvchi boshqa malumotlar ham berilmoqda. Gollardan biri “SHo'rtan” himoyachisi H.Ergashev hisobiga yozilgan (avtogol).
| # | Ismi sharifi | O'yin | Daqiqa | Gollar | Sariq kartochka | Qizil kartochka |
| 1. | Xikmat Hoshimov | 15 | 1350 | 2 | ||
| 2. | Mirg'iyos Sulaymonov | 15 | 1350 | 2 | ||
| 3. | Murodjon Toshmatov | 15 | 1330 | 3 | 1 | |
| 4. | Dilmurod Karimov | 15 | 1286 | 4 | 3 | |
| 5. | Javohir Esonqulov | 15 | 1048 | 3 | 3 | |
| 6. | Zohid Abdullaev | 15 | 1273 | 10 | 2 | |
| 7. | Davronbek Karimqulov | 14 | 1042 | 3 | ||
| 8. | Farhod Namozov | 14 | 326 | |||
| 9. | Jahongir Abdumo'minov | 13 | 952 | 1 | 2 | 1 |
| 10. | Suxrobjon Sultonov | 12 | 1080 | 2 | ||
| 11. | Ayubxon No'monov | 12 | 970 | |||
| 12. | Doniyor Odilov | 12 | 907 | 4 | 1 | |
| 13. | Saidjon Abdujabborov | 12 | 647 | 1 | 1 | |
| 14. | Jasur Hakimov | 12 | 171 | 1 | ||
| 15. | Islomjon Qobilov | 9 | 668 | 3 | ||
| 16. | Ergash Ismoilov | 4 | 126 | |||
| 17. | Zafar Safoev | 3 | 270 | |||
| 18. | SHohnazar Norbekov | 1 | 4 | 1 |
Bosh sahifaga
517
15 Aprel 2026, 09:53