“SHo'rtan”: “Tatil tugadi, navbat tayyorgarlikka”

11 iyul sanasining tong saxarida ikkinchi davra o'yinlariga tayyorgarlik ko'rish ishlarini davom ettirish maqsadida “SHo'rtan” jamoasi azolari Toshkent viloyatining tog'li hududida joylashgan “SHirinbuloq” sanatoriyasiga yo'l olishdi. Kuniga ikki mahaldan olib boriladigan mashg'ulotlar jarayoni 18 iyulga qadar davom etadi. Yig'in davomida ikkita sinov nazorat uchrashuvlarini o'tkazish rejalashtirilgan. Bosh murabbiy vazifasini vaqtinchalik bajarayotgan Ixtiyor Karimov shogirdlari dastlab, 14 iyul kuni “Olmaliq”, 16 iyul sanasida esa “Paxtakor” jamoalari bilan o'zaro bahs olib borishadi.

19 iyul kuni g'uzorlik futbolchilar poytaxtdagi “Tibbiyot Markazida” tibbiy ko'rikdan o'tishadi. SHo'ndan so'ng, 21 iyuldan etiboran mashg'ulotlar jamoaning G'uzordagi qarorgohida davom ettiriladi.

Birinchi davra yakunlariga ko'ra, jamoani Farrux Turdaliev (darvozabon), Kenja To'raev, Sardor Rasulov, Elyor Intizomov kabi futbolchilar tark ettishdi.
Ikkinchi davra bahslariga olib borilayotgan tayyorgarlik yig'iniga hozircha darvozabon Timur Jo'raev (“Paxtakor”) va  himoyachi Ulug'bek Xudoyberdiev (“Metallurg”) taklif etilgan.  

“SHo'rtan” PFK matbuot xizmati