Angliya Premer ligasi hamkorlik uchun "UzReport TV" telekanaliga sertifikat topshirdi
/ Kiritdi: BestMaster O'qilgan: 1710
Xabaringiz bor, UzReport TV telekanali o'tgan yili Angliya Premer ligasi bahslarini O'zbekiston bo'ylab translyaciya qilishning eksklyuziv huquqini qo'lga kiritgandi.
O'tgan mavsumning ko'plab uchrashuvlari telekanal orqali muxlislarga to'g'ridan-to'g'ri translyaciya qilib borildi. O'zbekistonlik futbol muxlislari ushbu translyaciyalar orqali Angliya Premer ligasining shiddatidan bahra olish imkoniga ega bo'lishdi. Mavsum ham juda ajoyib o'tganini alohida takidlab o'tish kerak. Hech kim uchun kutilmaganda “Lester” klubi katta mahorat ko'rsatib, chempion bo'lishga erishdi. O'zbekistondagi futbol muxlislari mazkur tarixiy lahzalarni “UzReport TV” telekanali orqali “jonli” efirda, o'zbek va rus tillaridagi sharhlarda kuzatib borishdi.
Angliya Premer ligasi rahbariyati ana shu holatni inobatga olgan holda, UzReport TV telekanaliga mavsum davomidagi hamkorligi va muxlislar orasida futbol targ'ibotiga qo'shgan hissasi uchun minnatdorchilik izhori sifatida maxsus sertifikat topshirdi.
Ushbu sertifikat UzReport TV telekanali bosh direktori Ravshan Djuraevga Evro-2016 finali oldidan Parij shahrida taqdim qilindi.
Eslatib o'tamiz yangi 2016/17 yilgi mavsumda UzReport TV telekanali Angliya Premer ligasi bahslari translyaciyasini davom ettiradi.
Bosh sahifaga
246