“Cementchi”: Tarkibda juda katta o'zgarishlar bor

Kecha tushdan so'ng jamoa azolari o'z qarorgohida dastlabki mashg'ulotlarni o'tkazishdi.  
   
Jamoa murabbiylari va rahbariyati ikkinchi davra o'yinlari oldidan bo'ladigan tayorgarlikka alohida etibor qaratmoqdalar. Xususan yig'in boshidan jamoada puxta ishlangan rejalar asosida ish boshladilar va mashg'ulotlar o'tashni boshladilar.  

Tarkibdagi o'zgarishlarga keladigan bo'lsak, murabbiylar birinchi davrada harakat qilgan bir necha o'yinchilar, xususan quvasoylik markaziy himoyachi Dilshod Eminov, yarim himoyachi Alisher Fayzullaev, markaziy himoyachi Davron Mamatovlar hamda ushbu mavsum boshida jamoa tarkibiga kelib qo'shilgan futbolchilar Andijonning “Andijon” jamoasidan darvozabon Eldor Isaboev va yarim himoyachi SHukurillo Jumaboev, Namangan viloyatining “Kosonsoy” jamoasidan kelgan tajribali hujumchi Abdurazzoq Jo'raev va yarim himoyachi Azizbek Matkarimov, Nukusning “Orol” jamoasidan taklif etilgan hujumchi Nurlibek Talasboev, ikkinchi liga vakili CHilonzorning “CHilonzor”  jamoasidan hujumchi Sardor Suyunov, Farg'ona shahrining BO'SMdan kelib qo'shilgan Fayzullo Jumanqo'zievlar bilan jamoa o'zaro kelishgan holda xayrlashishga qaror qildilar.

Jamoani tark etgan o'yinchilardan hujumchi Nurlibek Talasboev oliy liga vakili “Mashal” jamoasida, yarim himoyachi SHukurillo Jumaboev esa “Qizilqum” jamoalari ko'rigida bo'lib turibdilar.

Tabiiyki jamoaning ilk kunida yig'inga bir qator yangi futbolchilar kelib qo'shilgan. Oliy liga vakili Toshkentning “Metallurg” jamoasi yoshlari tarkibidan markaziy yarim himoyachi Sunnatillo Ermatov va markaziy himoyachi Azam Samijonov, birinchi liga vakili “Uzdongju” jamoasidan yarim himoyachi Fexruz  Salohitdinov va darvozabon Dilmurod Mamayusupov, “Lokomativ BFK” jamoasidan SHoxrux Baxromov, “Oq-tepa” jamoasidan Zafar Qoraqulov, “Zomin” jamoasidan Islom Bito'raev, “NBU Osiyo” jamoasidan hujumchi Avaz Raxmatullaevlar jamoaning yig'iniga kelib qo'shildilar.

Ilgari “Cementchi” tarkibida harakat qilgan va birinchi davrani “Yozyovon lochinlari” jamoasida o'tkazgan yarim himoyachi Davlatbek Yorbekov va 2015 yil Jizzaxning “Sug'diyona” jamoasi darvozasini qo'riqlagan, xozirda ikkinchi liga vakili “Bog'dod” jamoasi darvozaboni Doniyor Usmonovlar ham jamoa bazasiga etib keldilar. Ushbu o'yinchilardan tashqari yana bir qator yoshlar Toshkentning “Namuna” jamoasidan yarim himoyachi Davlat Rashidov, Toshkentning SHayxontoxur tumani jamoasidan yosh hujumchi Ibrohim Nomonov, Farg'onaning Oltariq tumanidan yarim himoyachi Ro'zmat Umrzaqov, Farg'ona BO'SMdan yarim himoyachi SHoxrux G'aniev, “Bunyodkor” tarbiyalanuvchilaridan markaziy yarim himoyachi Abdulla Abdullaev, hujumchi Inomov Bilol, markaziy yarim himoyachi Ahmadjonov Otabek ham “Cementchi” yig'inida qatnashayotganini takidlash joizdir.

Murabbiylarning rejasiga ko'ra, yig'in davomida sinov-nazorat uchrashuvlarini ham o'tkazish ko'zda tutilgan. Xususan 17 iyul kuni Quvasoyda “Neftchi” yoshlar jamoasiga qarshi maydonga chiqilsa, 21 iyulda Qo'qonda “Qo'qon 1912” yoshlari bilan kuch sinashadigan bo'lib turibdi.
 
Zuhriddin Abdullajonov tayyorladi.