"Neftchi"ning Dukent yig'ini davom etmoqda, tarkibda o'zgarishlar bor

Andrey Fyodorov shogirdlari Dukentdagi yig'inda mashg'ulotlarga zo'r berishgan. Mashg'ulotlar 2 maxaldan bo'lib o'tmoqda. Murabbiylar shtabi jamoani ikkinchi davraga munosib hozirlash bilan birgalikda, ayrim chiziqlarni mahoratli ijrochilar bilan to'ldirishni maqsad qilishgan. Ilk davrani “Buxoro” jamoasi safida o'tkazgan Sardor Rahmonov kuni kecha farg'onaliklar safiga kelib qo'shildi va ayni paytda “Neftchi” mashg'ulotlarida ishtirok etayotganini aytib o'tish mumkin. SHuningdek, yangi mavsumda Oliy liga debyutanti bo'lgan yoshlar jamoamiz etachisi Islom Toshpo'latov  Dukent yig'iniga qo'shildi. Ilk davraning dastlabki o'yinlari jarohat olib safdan chiqqan yana bir iqtidorli futbolchi Damir Nizanovning salomatli qoniqarli darajada ekanligini aytib o'tish o'rinlidir. Nizanov ham yig'in jarayonida umumiy guruh bilan birga shug'ullanishni boshlab yubordi.

Eslatib o'tamiz, “Neftchi”ning Dukentdagi tayyorgarlik jarayoni 20 iyulga qadar davom etadi. SHu kuni jamoa Toshkent shahrida “Buxoro”ga qarshi o'rtoqlik o'yinida ishtirok etadi. So'nggi nazorat bahsi esa 23 iyul kuni “Paxtakor”ga qarshi o'tkazilinadi. SHundan so'ng “Neftchi” Farg'onaga qaytadi va “Bunyodkor” jamoasi bilan bo'lib o'tadigan bellashuvga Qirgulida tayyorgarlikni davom ettiradi.

“Neftchi” matbuot xizmati