Rasmiy xabar: "Nasaf" Fozil Musaev bilan shartnoma tuzdi
/ Kiritdi: BestMaster O'qilgan: 1098
Mamlakatimizning tajribali futbolchilaridan bo'lgan Fozil Musaev yana “Nasaf” jamoasi safida to'p tepadigan bo'ldi.
Fozil Musaev bundan avval ham jamoamiz safida faoliyat yuritgan. Esingizda bo'lsa, u 2007-2008 va 2011-2012 yilgi mavsumlarda “Nasaf” safida faoliyat olib borgan va mamlakatimiz chempionatida kumush medal sovrindori, ikki marta O'zbekiston Kubogi finalchisi va 2011 yili OFK kubogi sohibi bo'lgan edi. SHundan so'ng F.Musaev Toshkentning “Bunyodkor”, Qatarning “Al-Muaydar”, Toshkentning “Lokomotiv” va Eronning “Sepaxon” klublarida faoliyat olib bordi. SHuningdek 27 yoshli tajribali yarim himoyachi O'zbekiston milliy terma jamoasining azosi ham hisoblanadi.
Fozil Musaev yana jonajon klubida to'p tepishga hohish bildirdi. Jamoamiz bosh murabbiyi va klubimiz rahbariyati uni safimizga qo'shib olishga qaror qilishdi. Futbolchi klubimiz bilan bugun shartnoma imzoladi.
Endi ushbu futbolchi joriy chempionatning ikkinchi davrasidan boshlab “Nasaf” jamoasi sharafini himoya qiladi.
Klubimiz shuningdek ayni paytda bir qancha xorijiy va mahalliy futbolchilar bilan muzokaralar olib bormoqda. Safimizga kelib qo'shiladigan yangi futbolchilar haqida saytimiz orqali xabarlar berib boramiz.
"Nasaf" PFK matbuot xizmati
Bosh sahifaga
209
