Bugun O'zbekiston milliy terma jamoasi CHexiya klubi bilan o'ynaydi
/ Kiritdi: BestMaster O'qilgan: 1238
2018 yil Rossiyada bo'lib o'tadigan Jahon chempionati saralashining uchinchi bosqichiga tayyorgarlik ko'rayotgan O'zbekiston milliy terma jamoasi navbatdagi o'quv-mashg'ulotlarini Avstriyada o'tkazmoqda.
Ushbu yig'in davomidagi ilk o'rtoqlik uchrashuvi bugun – 13 iyul kuni bo'lib o'tadi. Unda Samvel Babayan boshchiligidagi jamoa CHexiyaning "Yablonec" futbol klubiga qarshi maydonga tushadi. Ushbu uchrashuv, Avstryaning Enbax shahrida bo'lib o'tadi va mahalliy vaqt bilan 18:00da (Toshkent vaqti bilan 21:00da) boshlanadi.
Eslatib o'tamiz, O'zbekiston milliy terma jamoasining Avstriyadagi yig'ini 6 iyul kuni boshlangan va u 21 iyulga qadar davom etadi.
Avvalroq, ushbu o'quv-mashg'ulot yig'iniga yo'l olgan futbolchilar ro'yxatini malum qilgan edik.
Ayni vaqtda O'zbekiston milliy terma jamoasining JCH-2018 uchinchi saralash bosqichi oldidan Iroq hamda Yaman terma jamoalariga qarshi o'rtoqlik uchrashuvlari o'tkazish borasida kelishuvi bor. Iroq bilan o'tkaziladigan nazorat uchrashuvi 24 iyul kuni, Toshketdagi “Bunyodkor” stadionida bo'lib o'tishi ko'zda tutilgan.
Yamanga qarshi kechadigan nazorat o'yini esa 24 avgustga belgilangan. Ushbu o'yin ham “Bunyodkor” stadionida bo'lib o'tadi. Har ikki ucharshuv Toshkent vaqti bilan 19:00da boshlanadi.
Bosh sahifaga
345