Javlon Anorov: "2012 yilgi natijani takrorlashga harakat qilamiz"
/ Kiritdi: BestMaster O'qilgan: 1026
Futzal bo'yicha O'zbekiston chempioni "Olmaliq" ayni paytda klublar o'rtasidagi Osiyo chempionatida ishtirok etish uchun Tailandda bo'lib turibdi.
Olmaliqliklar Bangkok shahriga uchishlaridan oldin jamoa azosi Javlon Anorovning fikrlari bilan qiziqdik.
"Osiyo chempionatida qiyin guruhga tushib qoldik, Eron va Livan chempionlari juda xavfli raqib. Guruhdan chiqsak, Yaponiya yoki Tailand chempioniga ro'baro kelamiz. 2012 yili ana shu musobaqada "Ardus" bilan ham huddi shunday qura og'ir kelganiga qaramay, finalga qadar etib borgan edik. Nasib qilsa, o'sha natijani takrorlaymiz deb umid qilaman.
O'tgan yilgi bellashuvlarda "Lokomotiv"ga omad kulib boqmagani uchun bu yil so'nggi savatchadan joy oldik, bu safar "Olmaliq" bilan muvaffaqiyatli qatnashib keyingi yili o'zimizni birinchi savatchaga tushirishga intilamiz", - deydi Anorov.
Bosh sahifaga
113