Aleksandr Petrov: "Olmaliq" Osiyo chempionatida iloji boricha yuqori natijalar uchun kurashadi"

Mahalliy vaqt bilan 10:00da boshlangan dastlabki tadbirda musobaqa formati, taqvim, jamoalarning uchrashuvlarda foydalanadigan liboslari, marketing, media, tibbiy masalalar, tartib-intizom va doping nazorati kabi yo'nalishlar borasida malumot berildi.

11:30da esa jamoalar shifokori va massajchilari ishtirokida alohida seminar boshlandi. Unda har bir futbolchini musobaqa davomida sog'ligi nazorat qilib borilishi hamda doping nazorati jiddiy o'tkazilishi takidlandi.

12:00dan boshlab esa jamoalar bosh murabbiylari ishtirokida matbuot anjumani o'tkazildi.

Jamoamiz bosh murabbiyi Aleksandr Petrovning turnir bo'yicha fikrlari quyidagicha bo'ldi.
- "Olmaliq" jamoasi tashkil etilganiga ikki yil bo'ldi. Jamoa yosh bo'lishiga qaramasdan ketma-ket ikki yildan buyon chempionlikni qo'lga kirityapti. Albatta jamoaning bu qadar tez natija berishiga bosh homiyimiz OKMK rahbariyatining hissasi beqiyos. Kombinat rahbari Aleksandr Farmanov jamoaga etarlicha g'amxo'rlik ko'rsatmoqda. Turnir borasida aytadigan bo'lsam, "Olmaliq" shunchaki ishtirok etish uchun kelmagan. Jamoa iloji boricha yuqori natijalar uchun kurashadi. Guruhimizda Eron jamoasi favorit. Ammo biz ham bu turnirda o'z salohiyatimizni ko'rsatishga harakat qilamiz.