"Navbahor": Toshkentda “Buxoro” bilan o'ynaymiz

SHundan so'ng futbolchilarga qisqa muddatlik dam olish elon qilinadi. Jamoaning navbatdagi yig'ini esa 21 iyul kuni Toshkentda boshlanadi. Poytaxtda olib boriladigan mashg'ulotlar davomida “Navbahor” ikkita nazorat o'yinida maydonga tushadi. Dastlabki o'yin 23 iyul kuni “Buxoro” jamoasiga qarshi o'tkaziladi. Ikkinchi uchrashuvni o'tkazish sanasi esa 27 iyulga belgilangan. Ayni paytda shu kuni jamoamizga raqib bo'ladigan klub nomiga oydinlik kiritilganicha yo'q. Bu haqda keyinroq xabar berib o'tamiz. Ikkinchi davra boshlangunga qadar murabbiylar mashg'ulotlarda qatnashayotgan futbolchilardan ikki tarkib hosil qilib, ikki taraflamali o'yin o'tkazishni ham rejalashtirishgan.

Bugungi kunda ko'pchilikni tarkibga yangi futbolchilar qo'shiladimi degan savol qiziqtirmoqda. Bu borada bosh murabbiy Ravshan Bozorov quyidagilarni bildirib o'tdi: Hozirda futbolchilar bilan muzokaralar olib borilmoqda. Kelishuvga erishilgan o'yinchilar Toshkentda tashkil etiladigan yig'inda safimizga qo'shilishlari mumkin. Rejaga ko'ra jamoaga uch nafar yangi futbolchini qo'shib olishni rejalashtirganmiz. “Norin”dan taklif etilgan o'yinchilar orasidan biriga javob berishimiz ham mumkin. Bu tarkibga kelib qo'shiladigan yangi futbolchilarni kim bo'lishiga bog'liq. Davralar oralig'ida safimizga qo'shilgan hujumchi Abdumalik Abdullaevni “Navbahor”da qolishi deyarli hal etildi.