"Nasaf": Musaev, Golban, Pavlenko, Kriushev keldi, Xeran va Krasich endi keladi

Albatta, klubimiz muxlislarini jamoa safiga yangi qo'shilgan futbolchilar qiziqtirishi turgan gap. O'zingizga malum, yaqinda klubimiz bilan shartnoma tuzgan tajribali yarim himoyachi Fozil Musaev bugundan safimizda mashg'ulotlarga kirishdi.

O'tgan yilgi mavsumda “Qo'qon-1912” jamoasida faoliyat yuritgan rossiyalik markaziy himoyachi Igor Golban ham bugun jamoamiz bilan mashg'ulotlarda ishtirok etdi.

Birinchi davrada “Olmaliq” jamoasi sharafini himoya qilgan yarim himoyachi Nikita Pavlenko va darvozabon Maksim Kriushevlar ham jamoamiz bilan shug'ullanishmoqda.

“Nasaf” jamoasi ikkinchi davra boshidan o'z tarkibini yanada kuchaytirish maqsadida, ko'pdan buyon murabbiylarimiz kuzatuvida bo'lgan yana ikki nafar evropalik legioner futbolchilar jamoamizga taklif etilgan. Bular, markaziy hujumchi Dragan Xeran va o'ng qanot yarim himoyasida harakat qiluvchi - Ognen Krasichlardir. Ikkalasi ham Serbiya Respublikasidan. Ushbu futbolchilar shu kunlarda Qarshiga etib kelishadi va jamoamiz safiga qo'shilishadi. Ular haqida keyinroq to'liq malumot beramiz.

O'tgan yilgi mavsumda jamoamiz safida harakat qilgan yosh iqtidorli himoyachimiz Odil Hamrobekov ham yakka holda mashg'ulotlarni boshlab yuborgan. Uning ham ikkinchi davrada jamoamizga yordam berishi kutilmoqda.

Birinchi davraning so'nggi uchrashuvlarida jarohatlari bois jamoamizga yordam bera olmay qolgan futbolchilardan SHuhrat Muhammadiev, SHerzod Azamov, Saydullo Rahmatovlar ham  jamoamiz bilan birga mashg'ulotlar o'tkazishmoqda.

O'zingizga malumki, Eldorbek Suyunov ayni paytda milliy terma jamoamiz bilan birga bo'lib turibdi. SHuningdek Bobur Abduholiqov, SHarof Muhitdinov, Aziz G'aniev va Umid Ergashevlar, B.Abduraimov boshchiligidagi U-19 terma jamoa safida  tayyorgarlik yig'inida ishtirok etishmoqda.

Klubimizda selekciya ishlari davom etmoqda, shuning uchun yana yangi futbolchilar safimizga qo'shilishi mumkin.